Форум турында мәгълумат

РОССИЯ ФЕДЕРАЦИЯСЕ
ФӘН ҺӘМ ЮГАРЫ БЕЛЕМ МИНИСТРЛЫГЫ
БОЛГАР ИСЛАМ АКАДЕМИЯСЕ
КАЗАН ФЕДЕРАЛЬ УНИВЕРСИТЕТЫ

«РОССИЯ МӨСЕЛМАННАРЫНЫҢ ИЛАҺИЯТ МИРАСЫ»
I ХАЛЫКАРА ФОРУМЫ
2019 ел, 13–19 октябрь,
Болгар шәһ., Татарстан Республикасы,
Россия Федерациясе

Хөрмәтле коллегалар!

Болгар ислам академиясе Татарстан Республикасы җитәкчелеге ярдәме белән Казан федераль университеты белән берлектә һәм Россия Федерациясе Фән һәм югары белем министрлыгы, Россия мөселманнарының Үзәк диния нәзарәте һәм Татарстан Республикасының мөселманнар диния нәзарәте «РОССИЯ МӨСЕЛМАННАРЫНЫҢ ИЛАҺИЯТ МИРАСЫ» I халыкара форумын үткәрә.

Форум Россия Федерациясе Хөкүмәтенең 2016 елның 18 ноябрендә 2452-р номерлы күрсәтмәсе белән расланган 2017–2020 елларда ислам тарихын һәм мәдәниятен тирәнтен белүче белгечләрне әзерләү чаралары Планын тормышка ашыру кысаларында үтәчәк.

Форумның максаты – Россия мөселман халыкларыныңтрадицион ислам рухи кыйммәтләрен саклау, өйрәнү һәм үстерү, туган илдә ислам илахияты һәм ислам мәгарифе үсеше, хәзерге Россия һәм дөньяда глобальләшү шартларында динара һәм мәдәниятләр, цивилиацияләр диалогын ныгыту мәсьәләләрен тикшерү һәм хәл итүдә фәнни һәм эксперт берләшмәләрнең, җәмәгать һәм дин эшлеклеләренең көчен бер ноктага берләштерү.

Форум барышында түбәндәге темалар нигезендә фикер алышу планлаштырыла:

Россия һәм чит ил галимнәренең югары ислам мәгарифе өлкәсендә казанышлары белән фәнни-методик һәм мәгълүмат алмашу җәһәтеннән  уртаклашуы;

дөнья һәм Россия мөселманнары җәмгыятендә ислам илаһият фикере үсешендә традицион юнәлеш һәм яңартылган алымнар;

гомуммөселман фикере контекстында Россиядә ислам ителлектуаль традициясе: хәзерге заман каршылыклары һәм тенденцияләре яктылыгында чагыштырма тикшеренүнең методологик нигезләре;

– гуманитар фәннең актуаль юнәлеше буларак, Россия мөселман халыкларының язма мирас үрнәкләрен барлау, җыю, саклау һәм тасвирлау;

– шәригать кануннарын хәзерге шартларда тормышка ашыру;

Россиядә һәм чит илләрдә мөселман яшьләренең милли-гражданлык һәм конфессиональ үзбилгеләнүләре: формалашу нигезләре һәм үсеш шартлары.

Форум кысаларында түбәндәге фәнни чаралар үткәрү планлаштырыла:

1. 2019 елның 13 – 15 октябре – «ИЛАҺИЯТ МИРАСЫНДА ТРАДИЦИЯЛӘР ҺӘМ ЯҢАРТУЧАНЛЫК» III Халыкара Болгар укулары» халыкара фәнни-гамәли конференциясе.

2. 2019 елның 14  16 октябре –«ИСЛАМ ҺӘМ ҖӘМГЫЯТЬ: РЕГИОНАЛЬ АСПЕКТ» бөтенроссия фәнни-гамәли конференциясе.

3. 2019 елның 15 – 17 октябре – «ГЛОБАЛЬЛӘШҮ ШАРТЛАРЫНДА ИЛАҺИЯТ МӘСЬӘЛӘЛӘРЕН ХӘЛ ИТҮ ЮЛЛАРЫН ЭЗЛӘҮ» Ш. Мәрҗани исемендәге III укулары» төбәкара фәнни-гамәли конференциясе.

4. 2019 елның 17 – 19 октябре –«РОССИЯДӘ ҺӘМ ЧИТ ИЛЛӘРДӘ МӨСЕЛМАН ЯШЬЛӘРЕНЕҢ ГРАЖДАН БУЛАРАК ҮЗБИЛГЕЛӘНҮЛӘРЕ ФОРМАЛАШУЫ» халыкара студентлар фәнни-гамәли конференциясе.

Форум кысаларында «Гарәп һәм рус телләреннән олимпиада» үткәрү каралган.

Форум программасы кысаларында конференциянең пленар һәм секция утырышларын үткәрү, шулай ук Академиянең презентация һәм моназара мәйданнарында ачык лекция һәм семинарлар форматында фәнни конференцияләрнең төп юнәлешләре буенча киң спектрдагы әһәмиятле мәсьәләләрне тикшерү планлаштырыла.

Форумның эш телләре – рус, татар, гарәп, инглиз телләре.

Форумда катнашу шартлары

Форум эшендә катнашырга илаһиятче галимнәр, ислам белгечләре, теологлар, дин белгечләре, тарихчылар, фәнни һәм белем бирү оешмаларының вәкилләре, студентлар, дин һәм җәмәгать эшлеклеләре чакырыла.

Форумда катнашу мөмкинлекләре:

  • килеп катнашу: доклад уку, стенд доклады, докладларны тикшерүдә, дискуссияләрдә катнашу;
  • читтән торып катнашу: фәнни мәкалә бастыру.

Фәнни чараларда катнашучылар Форумның эш телләренә синхрон тәрҗемә һәм чыгышлар өчен кирәк техник чаралар белән тәэмин ителә.

Форум чараларында катнашу түләүсез. Катнашу турындагы гаризалары оештыру комитеты тарафыннан раслаган катнашучыларның юл, яшәү, ашауга киткән чыгымнарын оештыручылар үзләре күтәрә.

Форумның мәдәни программасы

Чарада катнашучылар һәм кунаклар Болгар ислам академиясе эшчәнлеге белән таныша алачак, шулай ук Болгар тарихи-архитектур музей-тыюлыгында – дөньяда иң төньякта урнашкан урта гасыр мөселман төзелеш сәнгате һәйкәлендә, XIII г. уртасы – XIV г. болгар-татар архитектурасының уникаль үрнәгенә зиярәт итә алачак.

Заявка бирүгә һәм материалларга таләпләр

Форумда катнашучы билгеләнгән вакыт аралыгында оештыручылар адресына түбәндәгеләрне җибәрә:

Фәнни чара, фамилиясе, исеме, әтисенең исеме, эш урыны, вазифасы, гыйльми дәрәҗәсе һәм / яки гыйльми исеме (булган очракта), электрон почта адресы, кесә телефоны номеры күрсәтелгән заявка (формасы теркәлә);

0,25басма табакка (10 000 билге) кадәр күләмдәге доклад тексты. Текст Microsoft Wordта (2003–2016) басыла, шрифт зурлыгы – 14 кегль, Times New Roman гарнитурасы, берле интервал, doc., docx., rtf форматы. Кырлары – бар якта да 2,5 см. Тигезләү – киңлеккә. Мәкалә исеме калын шрифт белән, баш хәрефтән җыела, уртада бирелә. Фамилия, исем һәм әтисенең исеме уң якта өске почмакта авыш хәрефләр белән күрсәтелә. Бөтен астөшермәләр үз битендә, сылтамалар нумерациясе тоташтан бирелә. Мәкалә тексты бүлекле структурага ия булырга, рус һәм инглиз телләрендәге аннотация (100–150 сүз күләмендә), ачкыч сүзләр (5–7 сүз) җентекләп тикшерелгән булырга тиеш. Оригинал тикшеренүләрнең нәтиҗәләрен тасвирлаган кулъязманың тулы тексты структурасы гомумкабул ителгән шәкелгә туры килергә һәм түбәндәге бүлекләрдән торырга тиеш: кереш (актуальлеге), максат, материаллар һәм методлар, нәтиҗәләр, тикшерү (дискуссия). Библиографиядә һәр чыганак яңа юлдан тәртип номеры белән бирелә. Мәкалә текстында чыганакларга сылтамалар квадрат җәяләрдә гарәп цифрлары белән бирелә. Мәкалә текстыннан соң китерелгән әдәбият исемлеге U.S. National Information Standards Organization NISO Z39.29-2005 [R2010]) таләпләренә һәм стандартларына җавап бирергә тиеш. Журналдагы мәкаләләргә (сылтама җибәрүдә иң еш кулланыла торган чыганак) сылтама ясаганда, түбәндәге шаблонга туры китереп язу сорала: Автор А.А., Автордаш Б.Б. Мәкалә исеме. Журнал исеме. Ел; Том (Номер): б. 56–66.

Конференция материаллары аерым җыентыклар булып басылачак. Алар Форум сайтына урнаштырылачак.

Җыентыкларны аерым мәкалә шәкелендә РИНЦ (Российский индекс научного цитирования) базасында урнаштыру планлаштырыла.

Чыгыш ясаганда техник чараларның кирәклеге турында алдан ук хәбәр итүегезне сорыйбыз.

Форумның редакция советы стандартларга туры килмәгән һәм күрсәтелгән темаларга язылмаган материалларны, шулай ук элек басылган хезмәтләрне басмага кабул итмәскә хокуклы.

Редакция советы авторлар белән хат язышмый.

Мөһим даталар

Заявка бирү вакыты – 2019 елның 1 октябренә кадәр.

Доклад текстын бирү вакыты – 2019 елның 5 октябренә кадәр.

Катнашучыларның заявкаларын теркәү һәм доклад текстын кабул итү хәбәре – 2019 елның 7 октябренә кадәр (7 сен кертеп).

Форум программасын әзерләү – 2019 елның 10 октябренә кадәр.

Форумның фәнни чараларында катнашу шартлары турында өстәмә мәгълүмат һәм төзәтмәләр, мәкаләләрнең һәм тезисларның эшләнешенә карата таләпләр конференцияләрнең информацион хатларында һәм Форум сайтында (forum.bolgar.academy) күрсәтеләчәк.

Форумны үткәрү адресы

422840, Россия Федерациясе, Татарстан Республикасы, Болгар шәһ., Кол Гали ур., 1 йорт.

Форумның координаторлары

  • Рәхимов Сөләйман Туктарович (Конф. 1), +7(963) 120 8 021; Bulgar_reading@list.ru
  • Козлов Владимир Петрович (Конф. 2), +7(937) 615 1 624;Vladimir.Kozlov@tatar.ru
  • Фәтхуллин Рәмис Альбертович (Конф. 3), +7(904) 665 0 432; mardjani-readings@yandex.ru
  • Хөрмәтуллин Азат Камилевич (Конф. 3), +7(960) 035 0 395; mardjani-readings@yandex.ru
  • Ходжиева Гөлназ Галиевна (Конф. 4), +7(905) 311 2 649; galievna@mail.ru

Оештыру комитеты

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять